ကိုယ့်'' အုတ်ဂူ ''
ညလောကတခွင်မှာ ကြယ်တာရာတွေ
အိပ်စက်နေကြတယ် ၊ လမင်းကတော့ တိမ်ညိုတွေရဲ့ရင်ခွင်ထဲကနေ ရုန်းထွက်လို့မရခဲ့ချေ ၊ ညောင်မုတ်ဆိတ်ကတော့ မတ်တည်နေပေမယ့် သူ့မှာက အနှောင်အဖွဲ့တွေ အပြိုင်းပြိုင်းနဲ့ သူလဲပဲ ဆွေးသံလွင့်နေခဲ့တယ် ၊
မြေပြင်ကတော့ ကျေနပ်နေခဲ့တယ် ၊
ဘာလို့ဆို . . . သူ့အထက်က လူတိုင်း , လူတိုင်းက တစ်နေ့ သူ့ရင်ခွင်ဆီ ခိုဝင်ရလို့ပဲ ၊
ထိုအချိန်မှာ . . . ,
အဘိုးအိုရဲ့ ဆေးတံ,ကုန်သွားလို့ သူ့ကိုနောက်ထပ် ဆေးတံအသစ်တခုပေးပါလို့ ၊ လိုက်တောင်းနေတယ် ၊ ထိုနောက် အဘိုးအို , ကျွန်တော်ဆီရောက်လာခဲ့တယ် ၊ ပြီးတော့ အကူညီတောင်းတယ် ၊
'' အဘိုးကို ဆေးတံအသစ်တခု လိုက်ရှာပေးပါလား , မြေးရယ် ''
''' အဘိုး ., ကျွန်တော်မရှာပေးချင်လို့မဟုတ်ပါဘူး ၊ ကျွန်တော်ရှာပေးချင်ပါတယ် ၊ ဆေးတံအသစ်ကလွဲရင်ပေါ့ ,
အဘိုး , ကျွန်တော်မှာလဲ ဆေးတံတခုရှိတယ် . . . ကျွန်တော်ရဲ့ဆေးတံက ကျွန်တော်ကို သာယာမှု့နဲ့မျောလွင့်မှု့ကို ပေးစွမ်းနိုင်တယ် ... ဒါပေမယ့် မီးခိုးတွေထွက်လာမှ သာယာလှတဲ့ ဆေးတံလေးပါ ၊ အဘိုး , လူ့ဘဝဟာလဲ ဆေးတံပါပဲ ၊ ပေးဆပ်နိုင်မှသာလျှင်
သာယာမှု့ကိုရရှိခဲ့တာ ၊ ထိုပေးဆပ်မှု့တွေထဲမှာ ကျွန်တော်ရဲ့နုပျိူ မှု့တွေ သန်းပေါင်းကုဋေ ပါဝင်ခဲ့ပါတယ် ၊ ပြီးရင် ထိုအရာတွေအားလုံး ပြီးဆုံးသွားခဲ့ပြီး , အသစ်ပြန်ဖြစ်မယ် ,
ဆေးတံဟာ သောက်လို့မကောင်းပါဘူး , အဘိုးရယ် '''
စကားအဆုံးမှာ အဘိုးအိုဟာ ခေါင်းညိမ့်ပြပြီး '' အုတ်ဂူ ''ထဲသို့ ဝင်သွားခဲ့တယ် ၊
ထိုအချိန်မှာ တစ်နေရာရဲ့အုတ်ဂူတစ်ခုမှ သက်လျာရဲ့အသံ ညင်သာစွာနဲ့ထွက်လာခဲ့တယ် ၊
ထာဝရအိပ်နေရတာ မညောင်းဘူးလား သက်လျာ ၊ ကိုယ်တို့ အေးမြပြီး ကြည်လင်လှတဲ့ ခုနှစ်စင်ကြယ် ရှိတဲ့အရပ်ကို သွားကြမယ် ၊
သက်လျာရဲ့မျက်နှာက ပန်းနုရောင်ချယ်ပြီးပွင့်တဲ့ ပန်းလေးသဖွယ် လန်းဆန်းကာ နူးညံ့လှပြီး နုလှနေခဲ့တယ် ၊
ကျွန်တော်လက်ကိုဆုပ်ကိုင်ရင်း သက်လျာ ,
သူ့ရဲ့အုတ်ဂူထဲကထွက်လာခဲ့တယ်
ရင်ခွင်ကို တင်းကျပ်စွာ ဖက်ထားရင်း
သက်လျာ , ကျွန်တော်ကို လွှမ်းခြုံထားခဲ့တယ် ၊ စစ်မှန်တဲ့မေတ္တာနဲ့ပေါ့ ၊ ချိူမြလွန်းတဲ့ အကြင်နာအနမ်းနုပွင့်တွေ ပေးခဲ့တယ် ၊
သက်လျာနဲ့ကျွန်တော် ခုနှစ်စင်ကြယ်ရှိရာသို့ လျှောက်လှမ်းကြရင်း သက်လျာက , ကျွန်တော်ကိုမေးတယ် ,
'' သူ့ဆီကိုလာတာ သူ့လှမ်းခေါ်လို့
လာတာလား ၊ ဒါမှမဟုတ် . . . . သူ့ခေါ်သံကြားလို့လား ''
''ကိုယ် , သက်လျာဆီလာခဲ့တာ , သက်လျာကို သတိရလို့မဟုတ်ပါဘူး ၊ ကိုယ့်ရဲ့အချစ်တွေကို သတိရလို့လာခဲ့တာပါ ၊ နောက်ပြီး ကိုယ် , ဘယ်သူကိုမှ မချစ်ပါဘူး တကယ်ပါ ဘယ်သူကိုမှမချစ်တာပါ ၊ ဒါပေမယ့် ကိုယ့်ရင်ထဲက အချစ်တွေကိုတော့ ကိုယ်ပြန်ပြီး ချစ်တတ်တယ် ၊ သက်လျာရဲ့အသဲနှလုံးထဲမှာ ကိုယ့်အချစ်တွေရှိတယ် ၊ ကိုယ်ချစ်တယ် ၊ ကိုယ့်အချစ်တွေကိုပေါ့ ၊
သက်လျာက တခါထပ်မေးတယ် ၊
'' သူ့ကိုချစ်ရလို့ သေမယ်ဆိုရင်ကော
သူ့ကိုချစ်ရဲ့ပါ့မလားး ''
'' တမလွန်ရဲ့တဖက်မှာ နောင်ဘဝဆိုတာရှိတယ် ၊ ကိုယ့်အချစ်တွေရဲ့မနက်ဖြန်မှာ နေမင်းရှိတယ် ၊ တစ်နေရာရဲ့တစ်နေရာမှာ တစ်ခုခုရှိမြဲပါ ၊ ဒါပေမယ့် ကိုယ်, သက်လျာကို ချစ်တဲ့အချစ်တွေထဲမှာ သေဆုံးခြင်းတွေကို မထည့်ပါဘူး ၊''
သက်လျာကပြုံးပြီး ကျွန်တော်ပခုံးထက်သို့ ခေါင်းလေးမှီကာ ခုနှစ်စင်ကြယ်ရဲ့လှပနေပုံကို ကြည့်ကာနေလေ၏ ၊
ခုနှစ်ကြယ်ကို ငေးမျှော်ရင်း ကျွန်တော်ပါးပြင်ထက်သို့ ကြယ်မှုန်ဖျော့ဖျော့ကျဆင်းခနေတယ် ၊ ကျွန်တော်ရဲ့ပါးပြင်ထက်သို့ ကျဆင်းလာသော ကြယ်မှုန်ဖျော့ဖျော့များစွာကို အသဲနှလုံးသဏ္ဍာန် ထုထစ်ခဲ့ပြီး သက်လျာရဲ့ရင်ခွင်ထဲသို့ ထည့်ပေးလိုက်တယ် ၊
စွန့်ခွာရင်းနဲ့ပေးဆပ်ခြင်းဆိုတဲ့ သဘာဝတွေကို ကိုယ်တစ်ယောက်ထဲ လွန်ဆန်လို့အားမမျှခဲ့ဘူး ၊ သက်လျာ မင်းလဲ တစ်နေရာရဲ့တစ်နေရာမှာ သဏ္ဍာန်တခုအဖြစ် တဖန်ပြန်ရပ်တည်နေမှာပဲ ၊ လာလမ်းမတူ ၊ ပြန်လမ်းကွဲပြားခဲ့သော်လဲ ၊ ကိုယ်တို့နှစ်ယောက်ရဲ့ တူညီမျှတဲ့ နှလုံးသားထဲက မေတ္တာများစွာ ပွင့်ဖူးခဲ့ကြတယ် ,
ရှိခဲ့တယ် ., ဒီမြေပြင်ထက်မှာပေါ့ ကိုယ်, မင်းနဲ့အတူ လျှောက်လှမ်းတဲ့ လမ်းလေးတွေ ၊
ရှိနေတယ် , ဒီမြေပေါ်မှာ လူးလဲစွာနဲ့ကိုယ်ကျခဲ့တဲ့ မျက်ရည် တွေ, မြေပြင်ပေါ်မှာ အခုထိတည်နေတုန်းပါပဲ ၊
သက်လျာရဲ့မျက်ဝန်းဟာ တဖြည်းဖြည်းမှေးကာမှေးလာရင်းနဲ့ ကျွန်တော်ရင်ခွင်ထဲမှာ ပျော်ရွှင်စွာနဲ့အိပ်စက်သွားလေပြီ ၊ ခုနှစ်စင်ကြယ်ရဲ့အောက်မှာ ကျွန်တော်ရဲ့သက်လျာက ကျွန်တော်ရဲ့ရင်ခွင်ထဲမှာ ခေါင်းလေးတိုးဝင်ကာ အိပ်စက်သွားတယ် ၊
သက်လျာအတွက်အလှပဆုံးက ခုနှစ်စင်ကြယ်မဟုတ်ခဲ့ပဲ ကျွန်တော်ရဲ့ရင်ခွင်ဖြစ်ခဲ့တယ် ၊ ကျွန်တော်သက်လျာကို ပွေ့ချီပြီးသူမရဲ့အိပ်စက်ရာ နေရာဆီသို့ ကျွန်တော်ရဲ့ခြေလှမ်းများစွာက ပို့ဆောင်နေလေပြီ ၊
ခုနှစ်စင်ကြယ်များကို ကျွန်တော်နူတ်ဆက်ခဲ့ရပြီ ၊ သူတိုတွေလဲ ဝမ်းနည်းကြေကွဲမှု့တွေနဲ့ကျွန်တော်ကို ပြန်၍နူတ်ဆက်ခဲ့ကြတယ် ၊
သက်လျာကိုပွေ့ချီရင်း လမ်းတဝက်ရောက်တော့ , သက်လျာရဲ့မျက်ဝန်းထံမှမျက်ရည်များစွာ ကျဆင်းလာခဲ့တယ် ၊ သက်လျာရဲ့
မျက်ရည်များက
ကျွန်တော်ရင်ကို စိုစွတ်ကာ အေးမြမှု့တော့ မဖြစ်ခဲ့ချေ ၊
တဖန် ,
တိမ်ညိုတွေရဲ့သိုဝှက်မှု့ကနေ ရုန်းထွက်လွတ်မြောက်လာခဲ့တဲ့ လမင်း , ကောင်းကင်ဗဟို တည့်တည့်မှာ ဝါဝါဖျော့စွာနဲ့ငေးရှု့ကာ ငုံ့ကြည့်နေ၏ ၊ ကျွန်တော်တို့အဖြစ်ကိုပေါ့ ၊
သက်လျာရဲ့ဘေးနားမှာ ကိုယ်နေခဲ့ပြီးပြီ ၊ အားငယ်တဲ့အချိန်တိုင်း ကြယ်တွေကိုခူးဆွတ်ပေးပြီးပြီ ၊
အတူတူအိပ်စက်ဖို့တော့ မဖြစ်နိုင်ခဲ့ပေမယ့် နောင်တချိန်ပြန်တွေ့တဲ့အခါကျရင် ကိုယ်အရင် သက်လျာကိုနမ်းမယ် ၊ ကိုယ်အရင် သက်လျာကိုကြည့်မယ် ၊ ကိုယ်အရင် သက်လျာအတွက် ချစ်ခဲ့မယ် ၊ ကိုယ်တို့အိပ်ချိန်တွေမတူသေးလို့ အခုတော့ သက်လျာ အရင်အိပ်နှင့်အုန်း ၊
ပြန်ဖို့ခြေလှမ်း နောက်တဖက်လှမ်းရင်း သက်လျာနဲ့တဖြည်းဖြည်းပိုပိုဝေးသွားခဲ့တယ် ၊ ထိုအချိန်၌ . . . အဘိုအိုက '' အုတ်ဂူ ''ထဲက ထွက်လာခဲ့ပြီး . . ,
'' တကယ်တော့ ဆေးတံ , ဟာ ဆေးတံ,ပါပဲ မြေးရယ် . . , ဒါပေမယ့် စွဲလန်းမှု့ကတော့ ဆေးတံ, မဟုတ်ခဲ့ပါဘူး ကိုယ့်တိုင်သာ ''
ဆေးတံတိုသောက်နေသော အဘိုးအိုရဲ့ထံမှ ဆေးတံတိုကို
ကျွန်တော်တဖွာရှိူ က်ကာ မှုတ်ထုတ်လိုက်ပြီး . . . ,
'' ဘယ်ခရီးမဆိုကျွမ်းကျင်သူအတွက် လမ်းညွှန်မရှိခဲ့လဲ အဆင်ပြေပါတယ် ''
ညမင်းကြယ်တံခွန်
No comments:
Post a Comment